Canción a la reina - Poemas de MARQUÉS DE SANTILLANA

Canción a la reina

Dios vos faga virtuosa,       
Reyna bien aventurada,         
quanto vos fizo fermosa.       
                               
1                             
Dios vos fizo sin emienda     
de gentil persona y cara,     
e sumando sin contienda,       
qual Gioto non vos pintara.   
                               
Fízovos más generosa,         
digna de ser coronada,         
e reyna muy poderosa.         
                               
2                             
Siempre la virtud fuyó         
a la extrema fealdad,         
e creemos se falló             
en compaña de beldat;         
pues non es quistión dubdosa   
ser vos su propia morada,     
illustre Reyna fermosa.       
                               
3                             
Pues loen con grand femençia   
los reynos, donde nascistes,   
la vuestra mucha exçelençia   
e grant honor que les distes, 
                               
e la tal graçia graçiosa       
por Dios a vos otorgada,       
gentil Reyna valerosa.         

«« poeta MARQUÉS DE SANTILLANA